LYRIC
GELT- Lipa Schmeltzer- Composed by Yossi Green, Lyrics by Lipa Schmeltzer- Baderech
VERSE 1:
אָרִים רַייךְ
שְׁטַארְק אוּן שְׁוַואךְ
,אַלְץ אַרוּם דִי זֶעלְבֶּע זַאךְ
וֶוער עֶס הָאט
פוּן דֶעם גֶענוּג
,אִיז יֶעדֶער מִיט אִים נָאנְט
קְרוֹבִים הַיינְט
מָארְגֶן פַיינְט
,אִיבֶּער מָארְגְן פְרִישֶׁע פְרַיינְד
אוֹיבּ פַארְדִינְט מֶען
לִירֶע, פְרַאנְק
שֶׁקֶל, דָאלֶער, פוּנְט
מְ’אַקֶערְט זַייט
מְ’בָּארְגְט מְ’לֵייעֶט
,מְ’לֵייגְט אַרַיין, מְ’קְוֶועטְשְׁט אוּן דְרֵייט
יֶעדֶער הָאט דִי זֶעלְבֶּע צִיל
,פַארְדִינֶען גֶעלְט בְּנֵקֶל
מְ’פְלִיהט אִין וֶועג
וָואכְן, טֶעג
,נָאךְ דִי גֶעלְט אַזַא גֶעיֶעג
נָאךְ אַ דָאלֶער פְרַאנְק אוּן פוּנְט
סְ’מֶעג זַיין אוֹיךְ אַ שֶׁקֶל
CHORUS 1:
פְּרָאבִּירט צוּ זַיין אַ הֶעלְד
,זַיין וָוארְט יֶעדְן גֶעפֶעלְט
וֶוער סְ’הָאט דִי מֵאָה הָאט דִי דֵעָה
,וֶוען עֶס קוּמְט צוּ גֶעלְט
אַן אָרִימֶע גֶעצֶעלְט
,אַ רַייכֶע פָּנִים שְׁטֶעלְט
אַ יֶעדֶער שְׁמוֹיגֶער פַאר זִיךְ טוֹיג עֶר
וֶוען עֶס קוּמְט צוּ גֶעלְט
אַנְשְׁטָאט זִיך זָארְגְן
טְרֶעפְט וואוּ צוּ בָּארְגְן
סְ’קוּמְט צוּם בַּאצָאלְן
,כֶּסֶף מִנָלָן
דִי טְשֶׁעקְלֶעךְ קְרַאכְן
לוֹיפְט צוּ גְמַ”ח’ן
.נִישְׁט דָא קֵיין עָרֵב, עֶר זוּכְט אַ קָרוֹב
פוּן וַואנֶעט
וֶוער בַּאצָאלְט בִּיז דַאנֶעט
וִוי גְרוֹיס דִי יָאהר אִיז
,בִּין אִיךְ אוֹיף צָרוֹת
מַיין ‘פָאוֹן’ אָפְּהַאקְן
אוּן אַרָאפְּקְנַאקְן
כְ’קֶען נִישְׁט בַּאצָאלְן, כֶּסֶף מִנָלָן
אִין שׁוּהל מְ’גֵייט נָאךְ גֶעלְט
,אִין גַאס מְ’רֶעדְט פוּן גֶעלְט
אִיךְ קוּם אִין שְׁטוּבּ, וָואס הָאט מֶען לִיבּ
,מְ’בֶּעהט שׁוֹין וַוייטֶער
כָּבוֹד קוּמְט מִיט גֶעלְט
,חָכְמָה קוּמְט מִיט גֶעלְט
מְ’זָאגְט אַ הַלָצָה, אַ שׂוֹנֵא בָּצַע
בַּאקוּמְט מֶען הַיינְט פַאר גֶעלְט
VERSE 2:
דָעס הַארְץ צוּפְלִיקְט
דֶער שׁוּתָּף דְרִיקְט
,פוּן גֶעלְט עֶס וֶוערְט אַזַא קָאנְפְלִיקְט
פוּן יֶעדֶע צְוֶועק
עֶר לוֹיפְט אַוֶועק
,וִוי פוּן אַ שְׁװֶערֶע לַאגֶע
דִי בִּיזְנֶעס בְּלִיהְט
עֶר וֶוערְט נִישְׁט מִיד
,וִוי מֶער עֶר הָאט דִי קָאפּ אִים פְלִיהט
וִוי עֶס שְׁטֵייט
מַרְבֶּה נְכָסִים
אִיז אוֹיךְ מַרְבֶּה דְאָגָה
אָרֶעם רַייךְ
שְׁטַארְק אוּן שְׁוַואךְ
,אַלְץ אַרוּם דִי זֶעלְבֶּע זַאךְ
וֶוער עֶס הָאט
פוּן דֶעם גֶענוּג
,אִיז יֶעדֶער מִיט אִים נָאנְט
קְרוֹבִים הַיינְט
מָארְגְן פַיינְט
,אִיבֶּער מָארְגְן פְרִישֶׁע פְרַיינְד
אוֹיבּ פַארְדִינְט מֶען
לִירֶע, פְרַאנְק
שֶׁקֶל, דָאלֶער, פוּנְט
CHORUS 2:
דֶער לֶעבְּן וֶוערְט פַארְשְׁנֶעלְט
,נָאר דַאֲגוֹת קוּמְט פוּן גֶעלְט
דָאס לֶעבְּן קָאסְט
וִויפִיל דוּ הָאסְט
,אַלְץ פֶעהלְט אוֹיס נָאךְ נָאךְ גֶעלְט
וָואס הָאט מֶען פוּנֶעם גֶעלְט
פוּן גַשְׁמִיוּת מְ’קְוֶועלְט
סְ’זֶעהט אוֹיס גוּט
מְ’נֶעמְט נִישְׁט מִיט
עֶס בְּלַייבְּט גָארְנִישְׁט פוּן גֶעלְט
זִיךְ אִיבֶּערְרַייסְן
זִיךְ אִיבֶּערְפְלַייסְן
פַאר אַלֶע מִינֵי
,נִישְׁט דַוְקָא גְרִינֶע
דִי יוּנְגֶע יָארְן
דִי גֶעלְטֶער שְׁפָּארְן
אִיז שׁוֹין אַן אַלְטֶער
דָאךְ גֶעלְט בַּאהַאלְט עֶר
פַארְבִּיטֶערְט
זַיין הַאנְט שׁוֹין צִיטֶערְט
עֶר אִיז קוֹים בַּיים זִינֶען
,וֶועט גֶעלְט נִישְׁט רִינֶען
בַּיי אִים וֶועט בְּלַייבְּן
דִי טְשֶׁעקְלֶעךְ שְׁרַייבְּן
אַן אַלְט נָערְוֶועזְן
עֶר קַארְגְט אוֹיף שְׁפֶּעזְן
אִין שׁוּהל מְ’גֵייט נָאךְ גֶעלְט
,אִין גַאס מְ’רֶעדְט פוּן גֶעלְט
אִיךְ קוּם אִין שְׁטוּבּ
וָואס הָאט מֶען לִיבּ
,מְ’בֶּעט נָאךְ וַוייטֶער גֶעלְט
כָּבוֹד קוּמְט מִיט גֶעלְט, גֶעלְט
,חׇכְמָה קוּמְט מִיט גֶעלְט
סְ’זֶעהט אוֹיס גוּט
מְ’נֶעמְט נִישְׁט מִיט
עֶס בְּלַייבְּט גָארְנִישְׁט פוּן גֶעלְט
אַבִּיסְל כָּשֵׁר גֶעלְט
,מִיט מִצְוֺת אוֹיף דֶער וֶועלְט
דָאס זֶעהט אוֹיס גוּט
דָאס נֶעמְט מֶען מִיט
,עֶס בְּלַייבְּט אוֹיף יֶענֶער וֶועלְט
פַאר יֶעדְן עֶס גֶעפֶעלְט
,וֶוען גוּטְס מֶען טוּט מִיט גֶעלְט
אִיךְ פְרֶעג בַּיי דִיר
…נוּ, זָאגְ’זְשֶׁע מִיר
?וואוּ קֶען מֶען שַׁאפְן אַפָּאר דָאלֶער
!לָאז שׁוֹין אָפּ דִי גֶעלְט