LYRIC

SHIRU LASHEM 1 (T.T.T.O. Hashem Oz)- Sung & Composed By R’ Shlomo Carlebach Z”L- Shabbos In Shomayim

,שִׁירוּ לַהַ’ שִׁיר חָדָשׁ
.שִׁירוּ לַהַ’ כָּל הָאָרֶץ
,שִׁירוּ לַהַ’ בָּרֲכוּ שְׁמוֹ
.בַּשְּׂרוּ מִיּוֹם לְיוֹם יְשׁוּעָתוֹ

ADDITIONAL VERSES:
,סַפְּרוּ בַגּוֹיִם כְּבוֹדוֹ
.בְּכָל הָעַמִּים נִפְלְאוֹתָיו
,כִּי גָדוֹל הַ’ וּמְהֻלָּל מְאֹד
.נוֹרָא הוּא עַל כָּל אֱלֹהִים
,כִּי כָּל אֱלֹהֵי הָעַמִּים אֱלִילִים
.וַהַ’ שָׁמַיִם עָשָׂה
,הוֹד וְהָדָר לְפָנָיו
.עֹז וְתִפְאֶרֶת בְּמִקְדָּשׁוֹ
,הָבוּ לַהַ’ מִשְׁפְּחוֹת עַמִּים
.הָבוּ לַהַ’ כָּבוֹד וָעֹז
,הָבוּ לַהַ’ כְּבוֹד שְׁמוֹ
.שְׂאוּ מִנְחָה וּבֹאוּ לְחַצְרוֹתָיו
,הִשְׁתַּחֲווּ לַהַ’ בְּהַדְרַת קֹדֶשׁ
.חִילוּ מִפָּנָיו כָּל הָאָרֶץ
,אִמְרוּ בַגּוֹיִם הַ’ מָלָךְ
,אַף תִּכּוֹן תֵּבֵל בַּל תִּמּוֹט
.יָדִין עַמִּים בְּמֵישָׁרִים
,יִשְׂמְחוּ הַשָּׁמַיִם וְתָגֵל הָאָרֶץ
.יִרְעַם הַיָּם וּמְלֹאוֹ
,יַעֲלֹז שָׂדַי וְכָל אֲשֶׁר בּוֹ
.אָז יְרַנְּנוּ כָּל עֲצֵי יָעַר
לִפְנֵי הַ’ כִּי בָא
,כִּי בָא לִשְׁפֹּט הָאָרֶץ
,יִשְׁפֹּט תֵּבֵל בְּצֶדֶק
.וְעַמִּים בֶּאֱמוּנָתוֹ