LYRIC

The 13 ANI MAAMIN’s- Avraham Fried- R’ Yom Tov Ehrlich Z”L- Yiddish Gems 1

1.
,אֲנִי מַאֲמִין, אִיךְ גְלוֹיבּ אִין דֶעם
.אַז דֶער בּוֹרֵא, גֶעבֶּענְטשְׁט זָאל זַיין זַיין שֵׁם

2.
,עֶר הָאט בַּאשַׁאפְן אַלֶע זַאכְן
,אוּן וָואס עֶס גֶעשֶׁעהט טוּט עֶר דָאס מַאכְן
.אוּן עֶר אַלֵיין עֶר פִירְט עֶס אַזוֹי פַיין

3.
,עֶר אִיז גֶעוֶוען, אוּן עֶר אִיז
.אוּן אוּנְזֶער הַאר וֶועט עֶר אַייבִּיג זַיין

4.
,אַזוֹי וִוי עֶר אִיז נִישְׁט דָא אֵיינֶער
,פַאר אִים אוּן נָאךְ אִים, אִיז נִישְׁטָא קֵיינֶער

5.
.אוּן נָאר צוּ אִים דַארְף מֶען דַאוֶוענֶען

,אוּן אַז מֶען הֶערְט אָט דִי זִיסֶע רֵייד
.אוּן מֶען דֶערְהֶערְט אוּן מֶען פַארְשׁטֵייט
,פוּן דֶעם וֶוערְט אוּן הַארְצֶן אַ פְרֵייד
.אוּן עֶס זִינְגט זִיךְ וואוּ מֶען שְׁטֵייט אוּן גֵייט

,מִיר דַאנְקֶן אוּן לוֹיבְּן, פַאר אוּנְזֶער גְלוֹיבְּן
.דֶער בַּאשֶׁעפֶער פוּן אוֹיבְן, וָואס גֵייט מִיט אוּנְז אוּן הִיט
אוּן האָט אוּנְז גֶעגֶעבְּן, אַ גְלִיקְלִיכְן לֶעבְּן
.אוּן הָאט אוּנְז גֶעלֶערִינְט וִוי אַזוֹי צוּ זַיין אַ אִיד

6.
,אַנִי מַאֲמִין, אִיךְ גְלוֹיבּ וָואס עֶס שְׁטֵייט
.אַז אֶמֶת זֶענֶען דִי נְבִיאִים’ס רֵייד

7.
,אוּן משֶׁה רַבֵּינוּ אִיז די גְרֶעסְטֶע פוּן אַלֶע

8.
,אוּן עֶר האט אוּנְז גֶעבּרֶענְגְט דִי תּוֹרָה

9.
אוּן קֵיינְמָאל אַנְדרִישְׁט ווֶעט נִישְׁט זַיין
.דִי תּוֹרָה

10.
,עֶר זֶעהט, אוּן הֶערְט
.ווָאס יֶעדֶער אֵיינֶער טוּט אוּן קְלֶערְט

11.
,דִי וָואס טוּעֶן מִצְווֹת ווֶעט עֶר בַּאלוֹינֶען
,ואס טוּעֶן נִישְׁט, ווֶעט עֶר נִישְׁט שׁוֹינֶען
.אוּן זַיין מִשְׁפָּט אִיז דָאךְ שְׁטֶענְדִיג גְערֶעכְט

12.
,אֲנִי מַאֲמִין, אִיךְ גְלוֹיב אִין גְלִיק
.ווָאס מַיין מַאמֶע הָאט מִיר דֶערְצֵיילְט אִין ווִיג
,אַז מָשִׁיחַ ווֶעט שׁוֹין קוּמֶען צוּ גֵיין
,אוּן ווֶעט אוּנְז פִירְן אִין אֶרֶץ יִשְׂרָאֵל אַרַיין
.אוּן גְרוֹיסֶע נִיסִים ווֶעלְן דַאנְמָאלְס זַיין

13.
,אוּן מֶען ווֶעט זֶעְהן מִיט גְרוֹיס פְרֵייד
,וִוי דֶער עֶלְטֶער זֵיידֶע גֵייט
,אַרוֹיסְגֶעקוּמֶען פוּן גַן עֵדֶן
,אוּן מִיר ווֶעלְן מִיט אִים רֶעדְן
.אוּן טְרֶערְן ווֶעלְן רִינֶען אוֹי פוּן פְרֵייד

,אוּן אַז מֶען הֶערְט אָט דִי זִיסֶע רֵייד
.אוּן מֶען דֶערְהֶערְט אוּן מֶען פַארְשׁטֵייט
,פוּן דֶעם וֶוערְט אוּן הַארְצֶן אַ פְרֵייד
.אוּן עֶס זִינְגט זִיךְ וואוּ מֶען שְׁטֵייט אוּן גֵייט

,מִיר דַאנְקֶן אוּן לוֹיבְּן, פַאר אוּנְזֶער גְלוֹיבְּן
.דֶער בַּאשֶׁעפֶער פוּן אוֹיבְן, וָואס גֵייט מִיט אוּנְז אוּן הִיט
אוּן האָט אוּנְז גֶעגֶעבְּן, אַ גְלִיקְלִיכְן לֶעבְּן
.אוּן הָאט אוּנְז גֶעלֶערִינְט וִוי אַזוֹי צוּ זַיין אַ אִיד

,אוּן כָאטְשׁ עֶר בַּאהַאלְט זִיךְ
,אוּן כָאטְשׁ עֶר פַארְשׁטֶעלְט זִיךְ
.זֶעְהט מֶען אִים, אוֹיף יֶעדְן שְׁרִיט אוּן טְרִיט